تازه خبرونه
د دیورند کرښې په اړه د بریتانیې د سفیر څرګندونه غیر مسوولانه ده- مشرانو جرګه
د دیورند کرښې په اړه د بریتانیې د سفیر څرګندونه غیر مسولانه او د هېواد په کورنیو چارو کې ښکاره لاسوهنه ده، چې حکومت باید دې موضوع بشپړه پاملرنه ولري.
دیورند کرښې ته د رسیمت ورکولو په اړه د بریتانیې د سفیر وروستۍ څرګندونې په مشرانو جرګه کې د سناتورانو غبرګونونه راوپارول.
د مشرانو جرګې غړی زلمی زابلی وایي، حکومت باید هیچ چا ته اجازه ورنکړي، چې د هېواد په کورنیو چارو کې مو مداخله وکړې او هیڅ هېواد د ډیورنډ د کرښې په اړه د پرېکړې حق نلري.
د نوموړي په وینا؛ دا د انګلیس ښکاره لاسوهنه ښیي؛ خو د افغانستان خلک به دا کرښه هیڅکله په رسمیت ونه پېژني.
د مشرانو جرګې غړی گل احمد اعظمي دا موضوع د خلکو کار بولي او وایي، چې د دیورند کرښې موضوع د افغانستان د خلکو موضوع ده او د بریتانیا سفیر باید نامسوولانه څرګندونې ونکړي.
د مشرانو جرګې رییس فضل هادی مسلمیار د دیورند کرښې په اړه د بریتانیې د سفیر څرګندونې غندې او وایي، چې حکومت دې په دې اړه چوپتیا نه غوره کوي.
له دې وړاندې په کابل کې د بریتانیې سفیر له یو شمېر بهرنیو رسنیو سره په مرکه کې ویلي وه، چې د افغانستان او پاکستان ترمنځ د دیورند کرښه د نړیوالې ټولنې له نظره یوه پېژندل شوې کرښه ده.
د یادونې وړ ده، چې د افغانستان او پاکستان ترمنځ دیورند کرښه یوه ستره سرحدي ستونزه شمېرل کیږي، چې د افغانستان خلکو هیڅکله په رسمیت نه ده پېژندلې او حکومتونه هم وایي، چې دې موضوع ته ولسي پرېکړه تل اړینه پاتې شوې ده.
خبریال: رفیع صدیقي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه17 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ15 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی16 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ