عاجل خبرونه

د داعش د مشر ابوبکر البغدادي وژنه منل شوې

(Last Updated On: July 12, 2017 12:30 pm)

د سوريې د بشري حقونو څارونکیو رویترز خبري آژانس ته ویلي؛ هغه معلومات تائید شوي، چې د داعش مشر ابوبکر البغدادي وژل شوی دی.

یوه میاشت مخکې د روسيې دفاع وزیر ادعا کړې وه، چې ښايي د داعش مشر د سوريې په اړوند رقه ښار کې د روسي ځواکونو په بمبارد کې وژل شوی وي؛ خو عراقي او امریکايي چارواکو دغه خبرونه نه ول تائید کړي.

د ابوبکر البغدادي د وژنې خبر له دې وړاندې هم څو څو ځلې رسنیو کې خپور شوی و.

د سوریې څارونکې ډله تائیدوي، چې بغدادي وژل شوی؛ خو په ډاګه شوې نه  ده، چې پېښْه په کومه سیمه کې رامنځته شوې ده.

عراقي او کردي ځواکونو تر دې دمه د البغدادي د وژنې پخلی نه دی کړی.

د امریکا دفاع وزارت د البغدادي د وژنې په اړه تر دې دمه معلومات نه لري.

داعش هم د البغدادي د وژنې اړوند خبرونو په تړاو څه نه دي ویلي.

د ابوبکر البغدادي د وژنې خبرپه  داسې مهال کې ورکول کېږي، چې عراقي ځواکونو د عراق دوه یم ستر ښار موصل هم د دغې ډلې له وسلوالو پاک کړی دی.

د یادونې وړ ده، چې  البغدادي د ۲۰۱۴ په جون کې د موصل له ښاره اسلامي خلافت اعلان کړی و.

About Ariana News

Check Also

نړیوال بانک: روان کال کې به افغانستان 2.6٪ اقتصادي وده ولري

(Last Updated On: November 22, 2017 7:52 pm)د سوداګرۍ خونې د نړیوال بانک  له وروستي …