Connect with us

تازه خبرونه

ولسمشر امر کړی چې د فرخندې د قتل دوسیه دې بیا وکتل شي

خپور شوی

د

(Last Updated On: لړم ۳, ۱۴۰۱)

vlcsnap-2015-07-05-17h49m22s69

ولسمشر محمد اشرف غني ویلي چې د فرخندې د قتل دوسیه دې بیا وکتل شي.

په ولسمشرۍ ماڼۍ کې ځيني سرچینې وايي چې ولسمشر د فرخندې د قتل دوسیه څېړلې او تحقیقاتي تشې يې پکې موندلي دي.

ولسمشر پرون یوې غونډې ته وویل چې د فرخندې په دوسیه کې عدالت وروستۍ خبره ده او که اړتیا پیدا شي د همدې دوسیې لپاره به د جزا قانون کې تعدیل راولي.

د افغانستان ولسمشرۍ ماڼۍ د فرخندې د وژنې د دوسې په تړاو د کابل د استیناف محکمي له حکم وروسته ویلي؛ څیړنې ښیې چې د تحقیقاتو په لړ کې جدې تشې رامنځته شوي دي.

د ولسمشر د ویاند مرستیال ظفر هاشمي:

“د افغانستان ولسمشر هغه تازه انکشافات چې د فرخندې د وژنې په تړاو شوي، هغه یې ولیدل او اوس دې پایلې ته رسیدلي چې د څېړنو پر مهال ځینې تشې موجودې وې او دا احتمال زیاتوي چې دوسیه دې یو ځل بیا وڅېړل شي.”

د کابل استیناف محکمې ویلې په اعدام د څلورو محکوم شویو کسانو له ډلې دری تنه یې په شلو شلو کلونو بند محکوم شوي چې په دې ډله کې یعقوب نومي قانوني سن نه دی بشپړ کړی او نوموړی په لسو کلونو بند محکوم شوی او مسوولې سرچینې هم د یعقوب تذکره تایید کړې ده.

vlcsnap-2015-07-05-17h48m48s234

د کورنیو او بهرنیو جرمونو پر وړاندې د مبارزې د استیناف محکمې رییس علی عبدالناصر مرید:

دا چې ولې له ابتدایي محکمې تر استناف په دوسیه کې بدلون راځي؛ خامخا نوي دلایل ښکاره کيږي او دا فیصله هم وروستۍ نه ده.

د ویلو وړ ده چې د فرخندې د وژنې په پيښه کې یو شمیر نور ښکیل کسان اوس هم د امنیتي بنسټونو لخوا نه دي نیول شوي.

Advertisement

تازه خبرونه

ایران او پاکستان د افغانستان په اړه ګډه اعلامیه خپره کړه

Published

on

(Last Updated On: غویی ۵, ۱۴۰۳)

ایران او پاکستان په یوه ګډه اعلامیه کې د یو سوله‌ییز، متحد، خپلواک او له ترهګرۍ او نشه‌یي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.

دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.

دوی دغه راز د سیمې د امنیت او ثبات د ډاډمنولو لپاره د سیمه‌ییزې او نړیوالې همغږۍ د اړتیاوو پر اهمیت خبرې کړې دي.

دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.

Continue Reading

تازه خبرونه

له ۱۰۰۰ ډېر افغان مهاجرین له پاکستان څخه جبري وایستل شول

Published

on

(Last Updated On: غویی ۵, ۱۴۰۳)

د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.

د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.

د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.

دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.

ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.

Continue Reading

تازه خبرونه

د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ

Published

on

(Last Updated On: غویی ۵, ۱۴۰۳)

د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.

د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.

د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.

دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.

ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.

Continue Reading

Trending

Copyright © 2022 Ariana News. All rights reserved!