تازه خبرونه
په کندهار کې حکومت د وسلوالو بریدونو قربانیانو ته پاملرنه نه ده کړې
شاوخوا شپږ کال وړاندي په دې ولایت کي د یوې کورنۍ غړي ديوه ځانمرګي بريد پر مهال ووژل شول او ډېرى په کي ټپيا ن شول، چي وروسته دولت ددى کسانو دکورنيو له پاتي غړو سره دهرډول مرستو ژمنه وکړه.
په کندهارکې د چاودنواو وسلوالو بريدونوله کبله د قربانيانو د کورنيوغړي وایي، چي دولت ورته هيڅ پاملرنه نده کړى.
عبدالکریم او فضل محمد هغه دوه تنه دي، چيپه دغه چاودنه کي يي د کورنی غړي شهیدان شوي دي.
په دې چاودنه کي د عبدالکریم یو ځوان زوی ووژل شو او څلور نور یي زخمیان شول او همدا راز د فضل محمد د کورنی درې غړي شهیدان او درې نور یې هم زخمیان شوي دي.
دغه کسان وايي، چي په خانمرګو بريدونو کي يي دکورنيو يوشمېر هغه غړي له لاسه ورکړي، چې دا ولادونو له پاره يي نفقه برابروله.
دوی وایي، چې اوس یې اقتصادي حالت ډېر خراب دى او په سختو حالاتو کي ژوند تېروي او دولت ورسره هيڅ مرسته نده کړى.
ددوي په خبره؛ په دغه پيښه کي دځاني زيانونو ترڅنګ مالي زيانونونه هم ورته اوښتي، چي دعايد منبع يې وه. لکه دوکان، چې په بشپړه توګه ويجاړ او يو ميليون افغانى زيان ورته واوښته؛ خو دولت يي پروا ونه کړه.
د کندهار د کار او ټولنیزو چارو، شهیدانو او معلولینو رییس نظرعلي قاطع وایي، چي شاوخوا ۱۱ زره شهیدان د دوی په ریاست کې ثبت شوي او په منظم ډول پیسې د بانک د لاري ورکول کیږي .
د نوموړي په وینا؛ د زر تنو شهیدانو اسناد وزارت ته لیږل شوي، چي هغوی ته به هم ډېر ژر کلنى تنخوا ورکړ شي.
ديادونې وړ ده؛دغه درنده چاودنه په ١٣٨٨ لمريزکال کي ديوه مازدا موترپه واسطه په کندهار ښار کي ترسره شوه، چي په کي تر ۴۰ ډېر عام وګړي ووژل شول او تر ۶۵ ډېر يې ټپيان کړل.
دې ته ورته په سلګونه چاودنى په تېرو کلونو کي شوي، چي دډېريوکورنيو هغه غړي په کي وژل شوي، چي دکورنۍ دغړیو له پاره يې حلاله نفقه برابره وله.
خبریال: بریالی رحیمي
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه5 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې