Connect with us

تازه خبرونه

ولسمشر محمد اشرف غني د هېواد نیمایی خاوره طالبانو ته سپارلې- احمد ضیا مسعود

خپور شوی

د

(Last Updated On: لړم ۲, ۱۴۰۱)

vlcsnap-2017-04-28-17h49m21s111

احمد ضیا مسعود ادعا کوي، چې ولسمشر محمد اشرف غني د هېواد نیمایی خاوره طالبانو ته سپارلې او ورځنۍ بوختیا یې په شمال ولایتونو کې د ناامنیو د پېښو را منځته کول دي.

د غویی اتمه یا د مجاهدینو د بریالیتوب د پېنځه ویشتمې کلیزې نمانځغونډه، چې په پلازمېنه کابل کې کوړه شوې وه؛ بشپړه سیاسي بڼه یې  لرله او  مړ دې وې ولسمشر شعارونه په کې راپورته شول.

د ښه حکومت او اصلاحاتو په برخه کې د ولسمشر پخوانی ځانګړی استازی احمد ضیا مسعود په دې ناسته کې ویلي،ِ چي د ولسمشر لخوا د داعش او طالبانو پروژه پلې کیږي او هم یې د طالبانو نفوذي کسان په پوځي او ملکي جوړښتونو کې ځای پر ځای کړي دي.

 د ولسمشر پخوانی ځانګړی استازی ولسمشر غني  هره ورځ د سلګونه سرتېرو پر وژلو تورنوي او هغه ته د ناروغ او رواني سړي خطاب هم کوي.

احمد ضیا مسعود له محمد اشرف غني سره دوه نیم کاله پر یوه دسترخوان ډوډۍ وخوړله؛ خو اوس ولسمشر انتصابي، رواني او ناروغ بولي او د هغه شاوخوا کسان لاسپوڅي،  پلورل شوي او غله  ګڼي.

هغه د اشرف غني حکومت د حفیظ الله امین له حکومت سره پرتله کړ او وایي، دواړو حکومتونو دیکتاتورۍ ته وده ورکړه؛ له ملي او نړیوالو هوکړو، تړونونو او ټینګارونو سره هم نا اشنا ګڼل کیږي.  

ضیا مسعود یو ګام وړاندې ځي او حکومت په افغانستان کې د داعش د پروژې تطبیق کوونکی بولي او وایي، چې حکومت په هېواد کې په لوی لاس غواړي، چې امریکا او روسیه وجنګوي.

احمد ضیا مسعود په دې بښنه غواړي، چې له یوې مودې یې د ولسمشر ملګرتیا کړې وه او ده ته ورکړشوې رایې یې د اشرف غني په ګټه وکارولې.

هغه په بشپړ ډاډ د غونډې برخوالو ته وویل، چې حکومت نه مشروعیت لري او نه یې درلوده.

هغه له خلکو وغوښتل، چې د ولسمشر د ګوښه کولو لپاره هڅې چټکې کړي، چې یو انتقالي حکومت ته زمینه برابره شي.  

احمدضیا مسعود دغه راز په ډاګه کړې، چې حکومت د جنرال دوستم د ترور طرحه هم تر لاس لاندې لري.

دوستم او د ملي کنګرې ګوند هم د احمد ضیا مسعود له دې دریځ سره ملګري شوي دي.

د ولسمشر د دفتر سرپرست ویاند شاه حسین مرتضوي وایي، محمد اشرف غني د خلکو منتخب ولسمشر دی او د خپلو صلاحیتونو له مخې، چې په اساسي قانون کې راغلي دنده تر سره کوي.

د ښاغلي مسعود په اند حکومت د سقوط په درشل کې دی، چې خپله یې د طالبانو په لاس سقوط ته لار هواره کړې ده.

د ښاغلي مسعود په وینا؛ په ارګ کې له یوې کړۍ پرته نه عبدالله عبدالله، نه هم جنرال دوستم او نه هم بل کس  په حکومت کې واک  لري.

احمد ضیا مسعود د ۹۳ کال ولسمشریزو ټاکنو کې د محمد اشرف غني په ملاتړ ودریده او  د ملي وحدت حکومت د جوړیدو په لومړیو کې د ښه حکومت او اصلاحاتو په برخه کې د ولسمشر ځانګړی استازی وټاکل شو؛ خو څو ورځې مخکې د ولسمشر په فرمان له دندې لیرې شو.

خبریال:باعث حیات

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!