تازه خبرونه
طالبان له پرمختللیو وسلو او تورتمي دوربینونو برخمن شوي- قدیم شاه شهیم
د پوځ لوی درستیز وايي، چې وسلوال طالبان په روان کال کې د سیمې د استخباراتو لخوا له پرمختللیو وسلو او تورتمي دوربینونو برخمن شوي دي.
د پوځ، پولیسو او ملي امنیت لوړ پوړي چارواکي له دوه ورځو راپدیخوا د راتلونکي کال پر پوځي تګلاره کار کوي، چې وسلوال مخالفین مات او په راتلونکي جګړه ییز فصل کې به د هغوی زور اوبه کړي.
لوی درستیز قدم شاه شهیم وايي، چې مونږ هم نوې او عصري وسلې لرو؛ خو طالبانو زمونږ له بېوسیو ګټه پورته کړې.
نوموړي په ډاګه کوې، چې مونږ سیمه ییز ځواکونو پر نیمه سقیله وسلو سمبالوو.
افغان ځواکونه اوس د هوايي ملاتړ په برخه کې له ستونزو سره مخ دي.
قدم شاه شهیم په ډاګه کړې، چې که څه هم د هوايي ځواک د غښتلي کولو په برخه کې کارونه شوي او تازه یې د امریکا لخوا نورې څلور سوپر توکانو بم غورځوونکې الوتکې هم ترلاسه کړي؛ خو اوس هم دغه ځواک له شرایطو سره برابر نه دی سمبال شوی.
هغه زیاتوي، سږکال به ډېرې ترانسپورتي الوتکې ولرو او په ۲۰۱۸ کې به افغان امنیتي ځواکونه له امریکایي حربي الوتکو بلک هاک هم برخمن شي.
د راتلونکي کال د جګړې پر تګلاره په داسې حال کې کار روان دی، چې اووه ولسوالۍ له څو کلونو راهیسې د وسلوالو طالبانو په ولکه کې دي او نهه پنځوس نورې له جدي امینتي ګواښونو سره مخ دي.
په افغانستان کې پراته نړیوال سرتېري، چې شمېر یې له لس زره اوړي وايي، چې سخت دریځي وسلوال د افغانستان سمه نیمه خاوره په واک لري.
خبریال: احمد فرشاد صالح
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه10 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
سوداگري22 hours ago
د اوسپنې پټلۍ له لارې ترکیې ته د افغانستان صادرات پیل شول
-
نړۍ9 hours ago
د مالیزیا بحري ځواکونو د چورلکو په ټکر کې ۱۰ کسان مړه شول