تازه خبرونه
طالبانو خپل پسرلني عملیات پیل کړل
طالبانو په یوه خبرپاڼه کې څرګنده کړې، چې په ټول افغانستان کې یې خپل دوه پړاویزه پسرلني عملیات پیل کړي دي.
د خبرپاڼې له مخې؛ د لومړي پړاو عملیات په هغو سیمو کې، چې د طالبانو تر ادارې لاندې دی د ښې حکومتولۍ د رامنځته کولو لپاره پیل شوي او په دوه یم پړاو کې ځانمرګي بریدونه، چریکي جګړې او پر دولتي دولتي ودانیو بریدونه د پاملرنې وړ دي.
د طالبانو پسرلنيو عملیاتو ته منصوري نوم ورکړ شوی، چې د جمعې له ورځې په ټول هېواد کې پیل شول.
طالبان په خپلو عملیاتو کې پر ځانمرګو بریدونو ډېر تمرکز کړی؛ خو ملي دفاع وزارت وایي، د وسلوالو د حملو د شنډولو لپاره تیاری لري.
د ملي دفاع وزارت مرستیال ویاند محمد رادمنش وایي، د دوی عملیات تش تبلیغاتي بڼه لري؛ طالبان د خلکو له وژلو پرته بل کار نه لري.
ځینو سرچینو آریانا نیوز ته ویلي، چې ټاکل شوې وه طالبانو پسرلني عملیات مخکې پیل کړي وای؛ خو په وینا یې د حقاني شبکې او کویټې شورا تر منځ خپلمنځي اختلافونه د دې سبب شوي، چې دغه عملیات له ځنډ سره پیل شي.
دوی زیاته کړې، چې د طالبانو مرکزي هسته له حقاني شبکې سره په پیسو ورانه شوې؛ خو د پاکستان د آی اس آی د افغانستان برخې مسوول له مولانا فضل الرحمان او مولانا سمیع الحق سره دغه اختلافونه حل کړي دي.
د دوی په وینا؛ آی اس آی د کوټې شورا او حقاني شبکې تر منځ د اختلافونو د حل لپاره منځګړیتوب کړی دی. د کویټې شورا هر قومندان ته د میاشتې څلور سوه زره کلدارې معاش ټاکل شوی دی. حقاني شبکه بهرنۍ مالي سرچینې په واک کې لري، چې کولی شي هره میاشت له شپږ سوه زره تر یو میلیون کلدارې تر لاسه کړي. د روسیې، ایران او عربي هېوادونو مرستې د کویټې شورا او حقاني شبکې تر منځ د عملیاتو له مخې وېشل کیږي. هر مالي اختلاف، چې په راتلونکې کې را منځته کیږي؛ د مولانا فضل الرحمان، مولانا سمیع الحق او پاکستانيو جنرالانو پر منځګړیتوب حل کیږي.
کویټې شورا حقاني شبکې او آی اس آی ته ویلي، چې که کافي پیسې ورنکړشي، په افغانستان کې شدید جنګونه نه شي تر سره کولی.
ویل کیږي؛ امریکا افغانستان ته نور اووه لس سوه سرتېري را ولیږي. دغه سرتېري به د هغو سرتېرو ځای ونیسي، چې وار له مخکې په دې هېواد کې د افغان ځواکونو د روزنې په ماموریت کې ښکېل دي.
محمد رادمنش زیاتوي، مونږ د دغو سرتېرو له شتون هرکلی کوو، ځکه د دوی ماموریت د ترهګرۍ په وړاندې مبارزه کې ډېر ګټور دی.
طالبانو د تېر کال په جنګي موسم کې تر ډېره د ښارونو او ګڼ میشتو مرکزونو پر سقوط تمرکز وکړ؛ خو افغان ځواکونو د لوړو تلفاتو په ګاللو وسلوال پرینښودل، چې دې هدف ته ورسیږي.
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی3 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي3 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
تازه خبرونه3 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
سیمه ییز خبرونه5 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
نړۍ2 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه2 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ4 days ago
امریکا به پر ایران د اسرائیلو په ځوابي برید کې برخه وانخلي