تازه خبرونه
د نشه يي توکو د له منځه وړلو پرته پر وسلوالو طالبانو بری ناشونی دی- جان سپکو
د افغانستان په بیا رغونه کې د امریکا د څار ادارې پلټونکي ویلي، چې د نشه يي توکو د کرکیلې او تولید د له منځه وړلو پرته پر وسلوالو طالبانو بری ناشونی دی.
په افغانستان کې د نشه يي توکو پر امبارونو او کارخونو د نړیوالو ځواکونو د هوايي بریدونو له پیلیدو سره په یوه وخت کې د افغانستان د بیا رغونې لپاره د امریکا مفتش خبرداری ورکړی ، چې نشه يي توکي د وسلوالو طالبانو د تمویل سرچنه ده.
د هغه په بارو؛ که نشه يي توکي نابود نشي، په جګړه به پر وسلوالو طالبانو بری ونه مومي.
د افغانستان د بیا رغونې لپاره د امریکا پلټونکي جان سپکو په ډاګه کړې، چې که نشه يي توکي نابود نه کړو؛ نو په جګړه کې به پر وسلوالو طالبانو بری ناشونی وي. طالبان د جګړې لپاره شپېته په سلو کې پیسې د نشه يي توکو له درکه پیدا کوي. که غواړو، چې پر وسلوالو طالبانو برلاسي شو؛ نو باید نشه يي توکو له منځه یوسو.
په افغانستان کې د ناتو د غوڅ ملاتړ ماموریت قومندان وايي، چې افغانستان د نشه يي توکو له درکه له تر لاسه کیدونکیو شپېته میلیارد دالرو څخه هر کال وسلوال طالبان دوه سوه میلیون دالره تر لاسه کوي.
د نوموړي د وینا له مخې؛ طالبان د نشه يي توکو له درکه دومره پیسې تر لاسه کوي، چې د جګړې له اړتیاوو یې ډېریږي.
هغه زیاتوي، د وسلوالو طالبانو رهبران د پیسو لپاره جګړه کوي.
د کورنیو چارو وزارت ویاند نجیب الله دانش هم تائیدوي، چې د وسلوالو طالبانو پر مالي سرچینو یې بریدونه ډېر کړي او غواړي د هغوی د تمویل سرچینې وچې کړي.
افغانستان د نړۍ په کچه تر ټولو دېر نشه يي توکي تولیدوي.
د افغانستان له نشه يي توکو سره د مبارزې وزارت مسوولین وايي، چې په دوه زره اووه لسم میلادي کال کې د نشه يي توکو تولید اووه اتیا په سلو کې ډېر شوی دی.
دغه زار په کور د ننه شاو خوا درې میلیون وګړي پر نشه يي توکي روږدي دي، چې ټولنه یې له ګډوډیو سره مخ کړې ده.
خبریال: فواد ناصری
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه10 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
سوداگري22 hours ago
د اوسپنې پټلۍ له لارې ترکیې ته د افغانستان صادرات پیل شول
-
نړۍ8 hours ago
د مالیزیا بحري ځواکونو د چورلکو په ټکر کې ۱۰ کسان مړه شول