Connect with us

تازه خبرونه

حکومت د طبیعي او کاني سرچینو مدیریت ته پروګرام نه لري

خپور شوی

د

(Last Updated On: لړم ۲, ۱۴۰۱)

quarries-img3

د ملي وحدت حکومت د طبیعي او کاني سرچینو د مدیریت لپاره هیڅ پروګرام نه لري او هر کال سلګونه میلیون دالر د کانونو  په لوټ او تالان کې له لاسه ورکوي.

د هېواد په ګوټ ګوټ کې د کانونو ناقانونه کیندنې په پراخه کچه روانې دي، چې بېلابېلې اندېښنې یې رامنځته کړې دي.

د رپوتونو له مخې؛ هره ورځ زرګونه ټنه کاني سرچینې او قیمتې ډبرې ناقانونه ویستل کیږي او بهر ته قاچاقیږي.

د روڼتیاڅار بنسټ څېړونکی ناصر تیموري وایي؛ که څه هم حکومت د کاني او طبیعي سرچینو له لوټ او تلانه ښْه خبر دی؛ خو د مخنیوي  لپاره یې څه نه دي کړي.

د نوموړي په وینا؛ مونږ زرګونه معدني او کاني سرچینې لرو، چې له بدخشانه تر هلمنده ، ننګرهاره او تر هراته په ناقانونه بڼه کیندنې روانې دي؛ خو په خواشینۍ، چې ملي وحدت حکومت یې په وړاندې ډاډمن ګام نه دی پورته کړی.  

د کانونو ناقانونه استخراج د جګړې اور هم تود ساتلی؛ ځکه ټول وسلوال له دې لارې تمویلیږي. کارپوهان د کانونو استخراج ساده کار نه بولي او وایي، چې په کې سیمه ییز چارواکي همکار دي.

د چارو شنونکی عتیق الله امرخېل وایي، په اوږدو او لویو موترو کې بار پر پاخه سړک روان لیدل کیږي. که سیمه ییز او مرکزي چارواکي په کې لاس ونه لري، لوټماران به یې هیڅکله د قاچاق زړه ونه کړي.

د کانونو او پترولیم وزارت مسوولین هم د کانونو ناقانونه استخراج او قاچاق تائیدوي او وایي، چې ډېر دا ډول موارد په ناامنو ولایتونو کې لیدل کیږي.

د کانونو او پترولیم وزارت د پروژو د تنظیم رییس ذبیح الله سروري وایي، د کورنیو چارو وزارت په  مرسته توانیدلي یو، چې د کانونو د  ناقانونه استخراج او قاچاق مخه ونیسو؛ خو دا هڅې هم کافي نه دي.

دا په داسې حال کې ده، چې له اداري فساد سره د مبارزې شبکې په خپلې تازه څېړنه کې ویلي؛ په هېواد کې شاوخوا زر کاني ساحې د قاچاق وړونکیو لخوا لوټ کیږي او میلیونونه دالر له دې کبله ضایع شوي دي.

 د یادونې وړ ده، چې له تېرو څه ناڅه دوه نیمو کلونو راهیسې دغه وزارت وزیر نه لري.  

خبریاله : لیدا نیازۍ

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!