تازه خبرونه
جرمني به افغانستان ته نور سرتېري ونه لیږي- انگلا میرکل
د جرمني لومړۍ وزیرې ویلي، چې که متحدین افغانستان ته د نورو سرتېرو د لیږلو په تړاو د امریکا غوښتنه منظور هم کړي؛ جرمني به نور سرتېري دې هېواد ته ونه لیږي.
افغانستان د نړۍ څلورم ناامنه هېواد دی، چې نه یوازې يې حکومت له شاوخوا شل ترهګرو ډلو سره په جګړه کې دی، بلکې د دې جغرافیې پیچلې جګړه هره ورځ نوی بڼه هم خپلوي.
له همدې کبله افغان حکومت وایي، چې اړتیا ده، چې نور بهرني سرتېري هم افغانستان ته راشي؛ خو جرمني علاقه نه لري، چې افغانستان ته نور سرتېري ولیږي.
د آلمان لومړۍ وزیره انگلا میرکل وایي؛ زه غواړم، چې واضح ووایم که امریکا له داعش او نړیوالې ترهګرۍ سره په مبارزه کې د نورو سرتېرو غوښتنه هم وکړي، د آلمان اوسنی پوځي فعالیت به همداسې روان وي؛ خو د کشفي الوتکو عملیات به پراخ نه شي.
جرمني افغانستان ته د نورو سرتېرو لیږلو ته علاقه نه ښکاره کوي؛ خو د ناتو سرمنشي بیا د متحدانو د همکاریو پر زیاتوالي ټینګار کوي.
د ناتو سرمنشي ینس ستولتنبرگ وایي، تر څو راتلونکیو اوونیو به افغانستان ته د نورو سرتېرو پر لیږلو پرېکړه وشي. که په دې اړه پرېکړه وشي، مونږ به له ټولو متحدینو څخه د سرتېرو غوښتنه وکړو.
هغه دا ټینګار هم کوي، چې ناتو به جګړییز ماموریت کې شامل نه شي.
دغه راز استرالیا افغانستان ته د نورو سرتېرو پر لیږلو غور کوي. د دې هېواد لومړی وزیر وایي؛ هېواد به یې د ناتو دا غوښتنه، چې افغانستان ته نور سرتېري ولیږي، په پام کې ونیسي.
د دغه هېواد لومړي وزیر مالکولم ترنبیل په ډاګه ویلي، چې هېواد یې په افغانستان کې له پوځي فعالیتونو سره مینه لري او غواړي پوځي هڅې یې پراخه شي او د طالبانو او داعش خلاف مبارزه کې افغان ځواکونه جوګه کړي.
په داسې حال کې، چې په شمال کې جګړو زور اخیستی؛ خو جرمني ټینګار کوي، چې د شمال امنیت دې بشپړ تضمین شي.
د نوموړې په وینا؛ مونږ د افغانستان د جګړې لومړۍ کرښې ته نور سرتېري نه لیږو؛ خو دا ډېره مهمه ده، چې په شمال کې بشپړ امنیت تضمین شي.
دا په داسې حال کې ده، چې امریکایي ځواکونو سپينې ماڼۍ ته وړاندیز کړی، چې افغانستان ته نور سرتیري ولیږي او تر څنګ یې افغان ځواکونه هم مسوولیت خپل کړي؛ خو واشنګتن تر اوسه وروستۍ پرېکړه نه ده کړې.
خبریال: علی اصغري
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ