Connect with us

تازه خبرونه

ایراني چارواکي: د افغانستان وضعیت بې ثباته دی

خپور شوی

د

(Last Updated On: لړم ۲, ۱۴۰۱)

په ایران کې د مېشتو افغان کډوالو د ستونزو په اړه د افغانستان او ایران ترمنځ دویم پړاو خبرې اترې په کابل کې ترسره شوې.

په دغه ناسته کې ایراني چارواکو د افغانستان وضعیت بې ثباته وباله او ووېل اوس هم یو زیات شمیر افغانان لیواله دې چې له افغانستان څخه ووځي.اوس مهال درې میلیونه افغانان په ایران کې مېشت دي.

د افغانستان د استراتیژیکو  مطالعاتو د انستیتیوت لخوا د افغانستان او ایران ترمنځ دویم پړاو فرهنګې خبرې اترې په کابل کې ترسره شوې.

دا ځل د ناستې محور په ایران کې د مېشتو افغان کډوالو ستونزه وه.د ستراتیژیکو مطالعاتو رییس وایي افغان کډوال د ایران لپاره ګواښ نه دي.

د افغانستان دستراتیژیکو مطالعاتو د انستیتیوت رییس، داوود مرادیان و وېل: موږ هېڅ یو بل ته ګواښ نه یو او د افغانستان ثبات او آسودګي له شک پرته د ایران ثبات او آسودګي دی.

د ایران د طباطبایې پوهنتون رییس  وایې په ایران کې مېشت افغان کډوال په بد وضعیت کې په سر وړې؛ خو وایې هڅه کیږي چې دغه وضعیت ته بدلون ورکړي.

په یران کې د علامه طباطبایي د پوهنتون رییس، فایزپرست ووېل: “کله چې موږ له داسې جدې غوښتنې سره مخ یو؛ نو دا د دې څرګندونه کوي چې د داواړ ملکونو وضعیت یو پر بل پورې اړوند دی او دا وضعیت یو با ثبات حالات نه دی رسېدلی؛ نو هر ډول ښه والي د مهاجرینو په وضعیت کې له غیر قانوني مهاجرینو پرته په ایران کې د دې غوښتنې په زیاتوالي کې به مرسته وکړي.”

 ایراني چارواکې وایې له کډوالو سره باید د نړیوالو قوانینو له مخې چلند وشي.

همداراز د ایران د بهرنیو چارو وزیر سلاکار، سید رسول موسوي و وېل: “چې دا د مهاجرت ستونزه یوازي د دوو هېوادونو تر منځ نه دی بلکې دا یوه نړیواله ستونزه ده چې باید دا ستونزه په نړیواله کچه هواري شي.”

د یادولو وړ ده چې د شمیرو له مخې، د نړې په کچه ۶۵میلیونه کډوال ژوند کوي چې ۲۲ میلیونه یې افغانان دي، افغانستان له سوریې وروسته دویم هېواد دی چې په ۲۰۱۵ کال کې تر ټولو ډیر وکړي ترې کډوالې شوې دي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!