تازه خبرونه
امریکا له افغان پوځ سره د سلګونو زرې پوښ ټانګونو مرسته کړې ده
امریکا له افغان پوځ سره د شا او خوا پنځوسوو، زرې پوښ ټانګونو مرسته کړې ده. د ملي دفاع وزارت مسولین وايي چې افغان پوځ د دغو ټانګونو په ترلاسه کولو غښتلی شوی او جګړه ایز مورال یې لوړ شوی دی.
له افغان پوځ سره د امریکا د مرستو په دوام دا ځل افغان پوځ شا او خوا پنځه سوه زرې پوش ټانګونه تر لاسه کړي دي. د ملي دفاع وزارت مسولین وايي چې دغه ټانګونه به قول اردو ګانو ته واستوي چې د افغان پوځ وړتیاوې به هم ور سره لوړې شي.
په دې هکله د ملي دفاع وزارت ویاند و وېل: «په افغانستان کې جنګ له تروریزم جنګ سره جنګ دی دا د افغانستان کورنۍ جګړه نه ده؛ هر هېواد چې په دې جګړه کې برخه اخلي، له موږ سره مرسته کوي، زموږ له مسلح ځواکونو سره مرسته کوي دا د ستاینې وړ دی».
په روان کال کې افغان پوځ له ځينو سیمو او ولسوالیو په شا شو، مسولینو یې لامل دا ګاڼه چې له پوځ سره کافي پوځي تجهیزات او پرمختللې وسلې نشته. اوس مسولین وايي چې د امریکا لخوا د سلګونو ټانګونو مرسته به د جګړې لوری د دوی په ګټه را وڅرخوي.
د کورنیو چارو وزارت د ویاند د دفتر سرپرست و وېل: «زموږ وسایل او تجهیزات په وړ وخت کې د ښو بریالیتوبونو لامل کېږي؛ نو کوم څه چې موږ یې غواړو د هغو د لاس ته راوړلو په صورت کې زموږ جګړیز مورال غښتلی کوي او د بریالیتوب پایلې ته مو نژدې کوي»
پوځي کارپوهان هم وايي چې افغان پوځ له پیچلې جګړې سره مخامخ دی، نو ځکه د نړیوالو ډيرو پوځې مرستو ته اړتیا لري.
پوځي کارپوه عتیق الله امرخیل اریانا نیوز ته ووېل: «دا زرې پوښ ټانکونه ښه دي؛ خو په دې شرط چې بسنه وکړئ؛ چې دا وسایل په اصل کې کم دي»
افغان حکومت د پوځ د غښتلي کولو لپاره څلور کلن پلان جوړ کړی دی. امریکا غواړي د افغان حکومت د دغه پوځې پلان د عملي کولو لپاره په څلورو کلونو کې څلور میلیارده ډالره ولګوي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ