تازه خبرونه
امریکا د پاکستان د برخلیک په اړه اندېښنه ښودلې
د پاکستان په اړه د امریکايي چارواکو د اندېښنې وړ څرګندونو پر دوام دا ځل د دغه هېواد د بهرنیو چارو وزیر ویلي، چې د پاکستان د راتلونکې په اړه اندېښمن دی.
د امریکا د بهرنیو چارو وزیر تيلرسن له پاکستاني سیال سره د افغانستان پر ثبات هم غږیدلی دی. هغه ټينګار کړی، چې د نوې ستراتیژۍ له مخې به له هند او پاکستان سره د ترهګرۍ د له منځه وړلو لپاره کار وکړي.
نوموړي بشپړ ټینګار څرګند کړی او زیاتوي، چې دا یوازې د افغانستان لپاره نهده دا د پاکستان د اوږدمهاله ثبات لپاره هم مهمه ده. مونږ د پاکستان د حکومت راتلونکې ته اندېښمن یوو، ځکه، چې مونږ غواړو حکومت یې ټینګ وي. مونږ له دوی څخه غواړو، چې سولهییز چلند وکړي، ډېر هغه موضوعات، چې دوی د پاکستان دننه ورسره په مبارزه کې دي هغه زموږ موضوعات هم دي.
د امریکا د بهرنیو چارو وزارت ویاندې هدر ناوئرت ویلي، چې تیلرسن د پاکستان د بهرنیو چارو له وزیر سره د افغانستان پر ثبات هم خبرې کړي دي.
هغې زیاته کړې، چې د امریکا د بهرنیو چارو وزیر له پاکستاني سیال سره پر مشارکت د سیمې پر سوله او ثبات وغږیده. دوی په افغانستان کې د سولې د ټينګښت پر لارو چارو هم خبرې وکړې.
د امریکا د بهرنیو چارو وزیر د پاکستان د بهرنیو چارو وزیر ته ویلي، چې امریکا به د نوې ستراتیژۍ له مخې له هند سره اړیکې نورې هم غښتلي کړي او له ترهګرۍ سره په مبارزه کې به د هند پر همکارۍ حساب وکړي.
د جنوبي آسیا لپاره زموږ تګلاره، په ځانګړي ډول د افغانستان لپاره داسې ده، چې د امریکا، هند او پاکستان له اړیکو سره ارتباط لري. ترورېزم باید وځپل شي او د افغان حکومت ملاتړ وشي، چې د خپلو خلکو امنیت وساتي.
دا په داسې حال کې ده، چې د امریکا د پوځ لوی درستیز کانګرس ته ویلي؛ پر دې پوهیږي، چې د پاکستان استخباراتي اداره له ترهګرو سره اړیکي لري.
خبریال: فهیم نوري
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ