تازه خبرونه
افغانستان ته د لیږدیدونکیو سرتېرو د شمېر په اړه رسمي پرېکړه نه ده شوې
له هغې وروسته، چې اسوشیتید پرس د امریکایي چارواکو په حواله افغانستان ته د نږدې څلور زره نورو سرتېرو د لیږلو خبر ورکړ؛ د امریکا دفاع وزارت چارواکو وویل، چې دفاع وزیر تر اوسه افغانستان ته د لیږدیدونکیو سرتېرو د شمېر په اړه رسمي پرېکړه نه ده شوې.
د امریکا د پوځ د لوی درستیز پخوانی مرستیال جنرال جک کین غواړي، چې د ترهګرۍ خلاف په مبارزه کې له افغان ځواکونو ملاتړ ډېر پراخ شي.
د نوموړي په وینا؛ په دې کې شک نشته، چې څلور زره سرتېري به مرسته وکړي؛ خو اصلي پوښتنه دا ده، چې آیا جګړه به زمونږ په ګټه بدله کړي؟ زما قضاوت دا دی، چې احتمالاً، نه. له لس تر شل زره سرتېري زما په اند هغه رقم دی، چې مونږ ورته اړتیا لرو.
په افغانستان کې د نړیوالو ځواکونو پخوانی قومندان دیوید پتریوس وایي، درې تر پېنځه زره نور سرتېري یوه ښه ژمنه ده؛ خو مونږ باید له افغان ځواکونو سره د هوایی ملاتړ په برخه کې هم کار وکړو.
دغه څلور ستوریز متقاعد امریکایی جنرالان له افغانستان څخه یوازې ملاتړ کافي نه بولي او د افغانستان د جګړې پای له دې سره تړلی بولي، چې د ترهګرو پناه ځایونه په پاکستان کې له منځه ولاړ شي.
د امریکا د پوځ د لوی درستیز پخوانی مرستیال جنرال جک کین وایي، شپاړس کاله کیږي، چې مونږ په دې جګړه کې ښکېل یو او دا یوه بشپړه رسوایی ده، چې مونږ له وړاندې دغه جګړه په خپله ګټه پای ته نه ده رسولې. بل دا، چې طالبان په پاکستان کې خوندي پناه ځایونه لري؛ هلته یې مشران شته او هلته زدکړې کوي. د پاکستان پوځ یې په افغانستان کې د عملیاتو په اړه استخباراتي ملاتړ کوي. دغه کار باید پای ته ورسیږي او امریکا باید پرې ټینګار وکړي له دې پرته به د افغانستان جګړه نوره هم اوږده شي.
په افغانستان کې د نړیوالو ځواکونو پخوانی قومندان دیوید پتریوس وایي، تاسې نه شئ کولی د افغان طالبانو، حقاني شبکې او نورو ترهګرو پر مشرانو فشار راوړئ؛ ځکه چې هغوی ته زمونږ لاسرسی نه کیږي او هلته په خپلو پټنځایونو کې دي. په واقعیت کې باید یوه سیمه ییزه تګلاره شتون ولري او پاکستانیان په کې دخیل شي، چې هغه هېواد له هغو ترهګرو عناصرو سره مبارزه وکړي، چې د افغانانو او افغان دولت ژوند یې ستونزمن کړی دی.
د امریکا د بهرنیو چارو وزارت ویانده هدر ناویرت وایي، د امریکا نوې تګلاره به پاکستان هم را ونغاړي. مونږ اوس د پاکستان په تړاو د یوه څو اړخیز سیاست د څېړلو په حال کې یو. دا د سویلي آسیا لپاره زمونږ د پراخو او ملي څېړنو یوه برخه ده، چې پاکستان، افغانستان او نور هېوادونه رانغاړي.
مخکې له دې په افغانستان کې د ناتو د غوڅ ملاتړ ماموریت قومندان ویلي وه، چې د افغانستان جګړه له بندون سره مخ ده او ټاکل شوې راتلونکیو اوونیو کې د امریکا تکلاره او د نورو لیږدیدونکیو سرتېرو پلان نهایی شي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه16 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ14 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی15 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ