تازه خبرونه
ولسي جرګه: دولتي ټاکنې په اړيکو او پيسو کېږي
په اوسني نظام کې ډېرې ټاکنې د اړیکو په بنسټ کېږي او ان ځینې پوستونه پلورل کېږي چې دا مسله د ولسي جرګې غړو د اندېښنې وړ بللې.
د ولسي جرګې ځینې غړي د دې ټکي په بیانولو سره وایي چې دولتي ادارو کې خالي بستونه او د وړو کسانو نه جذب د اندېښنې وړ مساله ده او باید دا مساله په جدي توګه تعقیب شي. په همدې حال کې د کار او ټولنیزو چارو وزیره، د پوهنې او عامې روغتیا وزارتونو او د اداري اصلاحاتو د کمیسیون مسولین د همدې مسالې په تړاو ولسي جرګې ته استجواب شوي وو.
د کار او ټولنیزو چارو، پوهنې، عامې روغتیا وزارتونو او د اداري اصلاحاتو د کمیسیون مسولین په دولتي ادارو کې د خالي بستونو او د اړیکو پر بنسټ ټاکنو په تړاو ولسي جرګې ته استجواب شوي وو.
د ولسي جرګې ځینې غړي دولتي بنسټونو کې د کارکوونکو د جذب په بهیر نیوکه کوي او ټینګار کوي چې ان د ښوونکي بست تر اتیا زرو افغانیو پلورل کېږي.
د ولسي جرګې غړی رمضان بشردوست وايي: “بايد و ارزول شي هغه کسان چې مقررېږي له حکومتي چارواکو سره څه خپلوي لري او د بستونو د پلورلو له پاره ولسي جرګې ډېری شکايتونه رسېدلي دي او بايد چې دا موضوعات په جدي توګه و ارزول شي.”
د ولسي جرګې غړې شینکۍ کړوخېل وايي: “د کارکوونکو د جدب بهير او په دولتي ارګانونو کې د ازموينې اخيستل ډېرې ستونزې لري او بهير يې شفاف نه دیان دا چې د يوه ښوونکي چوکۍ هم تر اتیا زرو افغانيو پورې دی چې دا کار ډېر وېروونکي او د اندېښنې وړ دی.”
د ولسي جرګې غړی کمال ناصر اصولي وايي: “په ډېرو دولتي ارګانونو کې پوستونه اعلانېږي خو د کار له پاره څوک نه نيول کېږي او په ځانګړې توګه هغه په شرايطو پوره کسان چې مراجعه کړي هېڅ ډول همکاري نه ورسره کېږي.”
په همدې حال کې د کار او ټولنیزو چارو وزیره وایي، دا مهال ټولو دولتي بنسټونو کې ۱۵زره خالي بستونه شته او هڅې کېږي چې دا کچه د روان کال تر وروستیو کمه شي.
د کار او ټولنیزو چارو، شهیدانو او معلولینو وزیره نسرین اوریاخېل وايي: “په ټوليزه توګه د نفوس شپېته په سلو کې ځوانان دي چې له بده مرغه د بېلابېلو لاملونو له کبله يې ډېری بېکاره ده او موږ په اوس وخت کې د دولتي ارګانونو په کچه ۱۵زره تش بستونه لري چې نظر څو میاشتي وړاندې ته ډېر کم شوي دي، خو بيا هم د دې هڅه کېږي چې د جذب بهير چټک شي او تش پوستونه هم لږ کړل شي.
د اداري اصلاحاتو د کمیسیون سرپرست احمد مسعود توخي وايي: “موږڅو مياشتې وړاندې له ۲۵زره ډېر تش پوستونه لري چې له نېکه مرغه د کارکوونکو د کار موندنې په برخه کې پرمختګونه شوي دي او په اوس وخت کې ۱۴زره ۶سوه او څلور پنځوس تش بستونه لرو. له دې ښکاري چې په روان کال کې مو د استخدام په برخه کې ښه پرمختګونه کړي دي. “
د ولسي جرګې غړي ټینګار کوي چې ښه حکومت داري به هغه مهال وشي چې حکومتي ادارو کې وړ او په کارپوه کسان وګمارل شي، دوبی وایي څو پورې چې د افرادو ګمارلو کې شایسته سالاري په پام کې ونه نیول شي، شته ننګونې به له منځه ولاړې نه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ