عاجل خبرونه

ولسمشر غني د آسیايي سیالیو مډال ګټونکي وستایل

(Last Updated On: October 03, 2017 4:15 pm)

د افغانستان ولسمشر محمد اشرف غني نن هغو افغان لوبغاړیو ته نغدي جایزې ورکړې، چې د ترکمنستان له آسیايي سیالیو یې مډالونه ګټلي وه.

د آسیايي هېوادونو صالون دننه سیالۍ د سپټمبر پر ۱۴ پیل او پر ۲۷ پای ته ورسیدې.

له دې لوبو څخه حسین بخش صفري د سرو زرو مډال وګاټه، یوه بل افغان لوبغاړې د سپینو زرو مډال په غاړه کړ او لس نورو یې د برنزو مډالونه ترلاسه کړل، چې له مخې یې افغان لوبډلې د ۶۲ آسیايي هېوادونو تر منځ ۲۶ مقام خپل کړ.

افغان ولسمشر له دغو لوبغاړیو سره مخکې له مخکې ژمنه کړې وه، چې د آسیا له سیالیو د مډال په ګټلو به د طلا مډال راوړونکي ته لس زره دالر، د نقرې ګټونکي ته پېنځه زره دالر او د برنزو ګټونکي ته درې زره دالر جایزه ورکوي.

About Ariana News

Check Also

په عزنې کې طالبانو پر عشر او ذکات نه ورکوونکیو لویې لارې تړلي

(Last Updated On: December 12, 2017 2:56 pm) د غزني ولایتي شورا غړي وایي، د …