عاجل خبرونه

د سړک جوړولو د دولس پروژو تړونونه لاسلیک شول- درانی

(Last Updated On: September 12, 2017 6:54 pm)

د کلیو د بیارغاونې او پراختیا وزارت له خصوصي شرکنونو سره د سړک جوړولو د دولس پروژو تړونونه لاسلیک  کړل، چې  پرې ۵۲۱ میلیون افغانۍ لګښت راځي.

د کلیو د بیا رغاونې او پراختیا وزیر نصیر احمد درانی وایي، په دې پروژو کې د سړکونو قیر، کانکریت، بیا رغاونه او کریړ په نظر کې نیول شوي دي.

هغه زیاتوي، دغه پروژې به په  شپږ میاشتو کې نهه ناامنو ولایتونو ته پلې شي.

د هغه په وینا؛ دغه سړکونو پلونه هم لري، چې په سمنګان، فاریاب، پروان، ننګرهار، غور، کابل، کاپیسیا، کندهار او جوزجان کې ۲۲۱ کلي نښلوي.

هغه دا هم په ډاګه کړې، چې دغه پروژې د نړیوال بانک او حکومت لخوا تمویلیږي.

د خلکو استازي وایي، شرکتونه دې د پروژو په تطبیق کې معیار په پام کې ونیسي.

دغه پروژې به خلکو ته  د تګ راتګ په برخه کې ډېرې آسانتیاوې برابرې کړي او پر کرنه او اقتصاد به مثبت اغېز ولري.

About Ariana News

Check Also

نړیوال بانک: روان کال کې به افغانستان 2.6٪ اقتصادي وده ولري

(Last Updated On: November 22, 2017 7:52 pm)د سوداګرۍ خونې د نړیوال بانک  له وروستي …