عاجل خبرونه

افغانان د تېر په پرتله خپلې راتلونکې ته خوشبین دي

(Last Updated On: November 14, 2017 6:08 pm)

د اسیا بنسټ د یوي سروي له مخي د تېر کال په پرتله سږ کال  راتلونکې ته د خلکو هیله زیاته شوې ده.

یاد بنسټ په خپلې تازه نظر پوښتنه کې وایي چې په سیمه کې د افغانستان وضعیت ماتېدونکی او ناپایداره دی؛ ځکه اووه ویشت سلنه مرکه کونکو ویلي چې د حکومت داري وضعیت د ښه کېدو په حال کې دی. ۷۳ سلنه خلکو ویلي چې د حکومت داري وضعیت  ښه نه دی.

همدارز ۵۱ سلنه مرکه کونکو ویلي چې امنیتي حالات ښه شوي دي.

۵۱ سلنه پوښتل شویو بیا ویلي چې افغانستان د بیا رغاونې په لور روان دی.  د تېر په پرتله خلک خپلې راتلونکې ته هیله من شوي دي.

کارل ایکن بیري په افغانستان کې د امریکا پخوانی سفیر وایي: (په ۲۰۰۵ کال کې چې کله زه په افغانستان کې د نړیوالو ځواکونو مشر وم، کابل ته راغلم له خپلو کارکونکو سره مې ولیدل افغانستان کې مو هیڅ بریالیتوب نه درلود او د افغانستان د خلکو ځواب دا و چې راتلونکې ته هیله من دي).

خو په یاده ټولپوښتنه کې اته دیرش اعشاریه اته سلنه خلکو باور ښکاره کړی چې هېواد یې په سم لور روان دی. په داسې حال کې چې ۶۱ اعشاریه دوه سلنه خلکو بیا ویلي چې هېواد په سم لور روان دی.

بل خوا د ځوانانو لپاره د لارې سترو ستونزو په هکله ښکل شوي دي چې: ۷۱ سلنه وزګار، ۳۲ سلنه له نالوستي کړیږي، ۱۷ سلنه پوښتل شویو ویلي چې ستره ستونزه یې نشه یی توکي دي، ۱۵ سلنه پوښتل شویو ویلي چې له اقتصادي رکود سره مخامخ شوي او اته سلنه نورو بیا له ناامنیو سرټکوي.

عبدالله احمدزی د آسیا بنسټ استازی وایي: (په ټوله کې ستونزه دا ده چې خلک د تېر ناورین له تکرار څخه اندېښمن دي چې دا اندېښنې په دريو برخو ویشلای شو امنیت، سیاسي ثبات او اقتصادي غښتلتیا.)

بل خوا افغان حکومت د ناامنیو په تړاو داسې غبرګون ښکاره کړی دی.

دولت وزیری د ملي دفاغ وزارت ویاند وایي (تېرو کلونو ته په کتو په امنیتي وضعیت کې کوم ځانګړی بدلون نه دی راغلی؛ خو د مخالفینو په تحرکاتو کې جدي بدلون راغلی چې په مقابل کې یې نظامي ځواکونو تند غبرګون ښودلی دی.)

که څه هم د ملي یووالي حکومت مشرانو په خپلو ټاکنیزو کمپاینونو کې د ښه امنیت، کاري زمینو برابرولو او د خلکو په ژوندانه کې د بدلون ژمنې کړې وې؛ خو اوس وایی چې په خپلو زیاترو ژمنو یې عمل نه دی کړی.

About Ariana News

Check Also

نړیوال بانک: روان کال کې به افغانستان 2.6٪ اقتصادي وده ولري

(Last Updated On: November 22, 2017 7:52 pm)د سوداګرۍ خونې د نړیوال بانک  له وروستي …