افغان لوبغاړيو په سالون کې دننه د آسیایي لوبو مدلونه ترغاړې کړل

(Last Updated On: September 18, 2017 2:07 pm)

افغان لوبغاړي حسین بخش سفري په سالون کې دننه د آسیايي رزمي لوبو طلایي مدال خپل  او د کوربه هېواد دوه او د قرغزستان یو لوبغاړي یې د ۶۲ کیلو ګرامه وزن په لرلو پر شاه تمبولي او په دغو سیالیو کې یې د افغانستان لپاره لومړنی د سرو زرو مډال پر غاړه کړ.

د افغانستان لپاره دوه یم مدال احمد جاوید امیري په دودیزه غېږ نیونه کې ترلاسه کړ.

ښاغلي امیري خپل ترکمن او ازبک سیالان مات کړل؛ خو کله، چې د سرو زرو مدال د ترلاسه کولو لپاره ډګر ته کښته شو؛ نو سیال یې پرې برلاسی شو او ښاغلي امیري د سپینو زرو د مدال لرونکی پاتې شو.

بله خوا افغان لوبغاړو د فوتسال په سیالۍ کې د چین ځواکمنې لوبډلې ته سخته ماتې ورکړه.

افغان لوبغاړې د لوبې په لومړۍ نیمايي کې دوه صفر له خپلې سیالې لوبډلې مخکې و، خو په دوه یمه نیمايي کې یې تر هغه هم ښه لوبه وکړه او د سیالې لوبډلې ګول یې څلور ځله پرانیست، چې په ځواب کې یې چینايي لوبډلې یوازې یو ګول وکړ. دغه لوبه ۶ـ ۱ د افغانستان په ګټه پای ته ورسیده.

افغانستان بازیهای داخل سالون و رزمی آسیا را پرقدرت آغاز کرد، حسین بخش سفری در جوجیستو طلا گرفت، احمد جاوید امیری در کورش افغانستان را صاحب مدال نقره ساخت و تیم ملی فوتسال کشور هم تیم پرقدرت چین را ۶ بر ۱ از پیشرو برداشت.

افغانستان په دغو سیالیو کې تر دې دمه شپږم ځای لري.

د ولسمشر محمد اشرف غني د یوه حکم له مخې؛ مدال راوړونکیو ته به له ۲۰۰ زره څخه تر شاوخوا ۷۰۰ زره افغانیو انعام ورکول کیږي.

د آسیا سالون دننه سیالۍ به لس ورځې دوام وکړي، چې د آسیا او اوقیانوسیه ۶۲ هېوادونو لوبغاړیو ګډون په کې کړی دی.

د افغانستان د ورزش برخې مسوولینو ویلي،  تمه ده، چې افغان لوبغاړي به په دغو سیالیو کې ښه وځلېږي.

ولسمشر محمد اشرف غني د دغو لوبو له پرانستې مخکې د ترکمنستان او تاجکستان له ولسمشرانو سره ولیدل او پر اړینو چارو یې درې اړخیزه خبرې وکړې او د شپې ناوخته د ملګرو ملتونو په ۷۲ غونډه کې د ګډون لپاره د نیویارک پرلوري روان شو.

About Ariana News

Check Also

شاهین آسمايي فوتبال لوبډلې د غوره لیګ سیالیو اتلولي خپله کړه

(Last Updated On: October 28, 2017 12:06 pm) د افغانستان د فوتبال د غوره لیګ …